Хаҥаласка Өрөспүүбүлүкэ судаарыстыбаннаһын күнэ
Бүгүн, балаҕан ыйын 27 күнүгэр Хаҥалас нэһилиэгэр күнүс 2 ч. Кураан Атах сиригэр турар православнай кириэс турбута 100 сылын бэлиэтээтибит.
Өрөбөлүүссүйэ кэннинээҕи сылларга норуот олоҕо улаханнык айгыраабыта. Онтон чаҕыттаран, эстээри гынныбыт диэн норуот сытыы өйдөөхтөрө айаҕалыы сатаан Үрүҥ Аар Тойон таҥараҕа тиийэ, үҥэн-сүктэн көрдөспүттэрэ биллэр. Ол туоһута 1923 сыллаахха үҥээччи Иона Петрович Давыдов хас да сиргэ кириэс туруорбут. Ол кириэстэриттэн бүтэһик хаалбыт кириэс бу Кураан Атахха турар.
Эҕэрдэ тылы «Хаҥалас нэһилиэгэ» муниципальнай тэриллии баһылыгын солбуйааччыта Семенов Семен Андреевич эҕэрдэ тыл эттэ. Кэлиҥҥи историятын Жданов Александр Леонидович 2007 сыллааха кириэс суулла сытарын хайдах туруорбуттарын кэпсээтэ. Ньурбаттан отец Анатолий таххан, махтал мэлииппэтин аахта. Кыраайы үөрэтэр түмэл үлэһиттэрэ, куруһуок оҕолоро, «Алгыс» дьахтар кэмитиэтэ, кулууп үлэһиттэрэ буолан, кэлэн кириэһи көрдүбүт, сэргээтибит, историятын иһиттибит.
Отец Анатолий кэпсиринэн бүгүн «Воздвижение Честного и Животворящего Креста Господня” күнэ эбит. «Онон бу тэрээһин күнэ сөп түбэспитэ, бу күн буолбута таҥара көмөтүнэн, баҕатынан буолла”, — диэн сөҕөн-махтайан кэпсээтэ.
Бу тэрээһин кэннэ бүтүн Арассыыйатааҕы сүүрүү күнүн бэлиэтээн, оҕолорго «Кросс Нации-2023» саастарынан араас дистанцияларга сүүрүү күрэҕэ уонна «Мин Өрөспүүбүлүкэм» диэн квест оонньуу ыытылыннылар. Кыайыылаахтар грамотаннан уонна бирииһинэн на5араадаланнылар.
