Нэһилиэк олохтоохторо муус устар 27 күнүгэр күнүс 3 чаастан бүтүн Арассыыйытааҕы патриотическай ааксыйаҕа кыттан, Кыайыы дьыктаанын 25 боппуруостаах тургутугар эппиэттээтилэр.
Олохтоох дьаһалта ыҥырыытынан уонна көҕүлээһининэн нэһилиэк тэрилтэлэрэ, түөлбэ олохтоохторо оттук мас бэлэмнээһинигэр СУББОТНИК ыытылынна. Көхтөөх, күүстээх үлэ түмүгэр уонча бырысыап мас бэлэмнэннэ.
Нэһилиэк баһылыга Винокуров С.А. массыына булан тэрийэн ыытан, нэһилиэк алта а5ам саастаах дьоннорун Ньурбатааҕы көһө сылдьар драматическай театрга «Булгуруйбат Ыстапаан» испэктээккэ киллэрэн сырытыннарда.
Киэһэ Өрөспүүбүлүкэ күнүн чэрчитинэн Ньурбатааҕы ыччат управлениета ыччаттар биһириэбиллэрин ылар Квиз-оонньууну онлайн площадка тэрийэн ыытта. Барыта 17 хамаанда нэһилиэктэртэн кыттыыны ылла. 5 түһүмэхтээх, барыта Сахабыт сирин сайдыытыгар, историятыгар, литературатыгар, култууратыгар сыһыаннаах интеллектуальнай оонньууга биһиги нэһилиэкпит 5 киһилээх 2 хамаанданнан кииристэ: -«Гончар» (Антонова Е.Н.), «Уус Тойук» (Павлов А.В.). Тыҥааһыннаах киирсии түмүгэр: — Хаҥаластан «Гончар» хамаанда — «Өҥөлдьө уоттара» — Хорулаттан «АМП ХСОШ» хамаанда Квиз-оонньуу 500 солк. уһунуостаах. Киирбит 8500 солк. харчыны ыччат управлениета СВО Фондатыгар угуоҕа. Кыайыылаах «Гончар» хамаандаҕа эҕэрдэ кыттыыны ылбыттарга ыччат лидера Алексей Павлов махталын тириэрдэр.
